الثلاثاء، 2 مارس 2010

احب الليل

دايما احس اني من الاشخاص اللي ايفضلون الصبح و بالفعل ما احب اضيع وقتي بالنوم
ايه عندي النوم الزيادة ايضييع الوقت و يتعب النفسية و المزاج
احب ابدي نهاري اني اتنفس نسمات الصبح
و اسمع عبدو
و اتمنى كل يوم دايما ان يكون الشارع مو زحمة (صج من الاماني!! )
و اتمنى اني ما اعصب من اي احد بالشارع و ما يصادفني
لا تاكسي
و لا وانيت
و لا باص
و لا واحد او وحدة مستعيلين يبون ايطيرون على السيارات
و لما اوصل الدوام ابدي يومي بقهوة لذيذة من ستاربكس :)
و يا حبذا ايكون الشغل خفيف يومها
و لا يشتغلون علينا اصحاب الدم الخفيف من الجنسية العربية اللي ما اتعرف صجهم من جذبهم
ما اقول الا الله ايهديهم
نرجع حق موضوعنا كنت احب الصبح وايد بس حاليا اعاني من حالة اكتئاب صباحي
قلبي ينقبض و ما احس مع كل طقوسي الصباحية
من بخور و عطور و قهوتي اللذيذة اللي قمت اسويها بالبيت علشان ما اطلع
ما ادري ليش
صايرة غير
ما عندي شي احس بالسعادة لما اسويه
صايرة السعادة بالنسبة لي شي نسبي و ليس مطلق لى الرغم من اني قاعدة اسوي الاشياء اللي ابيها
بس ما صار لها طعم مثل قبل
السوق ممل
القراءة سعادتها محددة وقت القراءة فقط
السفر مليت منه
حتى الناس مليت منهم
رفيجاتي ما قمت اتحملهم
حتى الصبح ما قمت احبه قمت احب الليل
:( اتهقون ليش كل هذا ؟!!

هناك 4 تعليقات:

Q8EL5AIR يقول...

شويه بسوي روحي فاهم وبتفلسف :)

يمكن له صله بالسن !! - او الحالة الوظيفية او العائلية !!

او يمكن تغيير نفسي للافضل :)

او يمكن في طريقج لانج تصيرين فيلسوفه .. عادي لاني اموت بالفسلفه وكل شي افسره تفسير فلسلفي :)

لووووووووووووول :)



عموما حلاوة الصبح عندي لا تقارن بالليل بتاتا .. الا في حاله وحده وفي مناجاة الله عزوجل في الليل :)



وتحياتي ..
ويسلموااااااااااااااااا :)

أحمد الحيدر يقول...

ربما هو ملل الروتين ..

ولكل وقت حلاوة ..

تحياتي ..

om comment kuwait يقول...

q8el5air
-------------
ممممم ماني كبيرة
بس اعتقد لبروتين ذابحني :)

====================

حتى احب الفلسفة خاصة بالقانون

يسلملي مرورك الحلو :))

om comment kuwait يقول...

احمد الحيدر
----------------
انا اتفق معاك الروتين احيان يكون قاتل

===================
حياك الله :)نورت مدونتي