baaaaack :)

عساج يا كويت دايما في عيد

كل عام و انتو جميعا اب صحة و اب الف عافية


ادري طولت من زمان بس صج كان عندي بروجاكتس و لازم اخلصهم اب وقتهم ترقبوا المزيد

بدون عنوان

طوينا صفحة و نورتنا صفحة جديدة

عام يديد يانا عسى العام الجديد احلى من اللي فات

بالنسبة لي كثير من اهدافي تحققت و لله الحمد و المنة

اتمنى تتحقق الباجي و يدوم علينا نعمة الامن و الامان و الصحة يارب

و تكون سنة خير على كويتنا الحبيبة و تكون سنة انجازات

مو من اولوياتي الاحتفال في هذا اليوم

احب في هذا اليوم اذكر الاحداث الجميلة اللي مرت

و اقص من هالشريط الاحداث السيئة خاصة و فقدت شخص قريب علي

اللهم اغفر و ارحم موتانا و موتى المسلمين اللهم امين

و يعم السلام و النظام في بلادنا العربية

و في نهاية هذة السنة بالمطر و الجو الرائع اليوم

اهديكم هالاغنية :)

http://http://www.youtube.com/watch?v=jp2F686tteY

عيدي يا كويت يا احلى بلد

يانه عيد الاضحى اللي اغلبنا نسافر فيه او نروح الحج سبحان الله

نتحرى عيد الفطر بس عيد اضحية ايي مو نفس شوق الفطر


على العموم كل اعيادنا حلوة و لها طبع مميز


لكني جني تحسفت لانه الجو عجيييب قالولي و الديم عامل عمايله


بس هم المكان اللي انا فيه درجة الحرارة بين 1 الى 5

و الجو غائم بعد و اهوا الجو المفضل عندي خاصة بالبلكونة مع القهوة و كتاب حلو


جني صرت مذيعة ارصاد;))

المهم

الله ايعود علينا العيد بالصحة و العافية

و يجعلنا من الحجاج السنة الياية و يتقبل اعمالنا يارب

لكم كل التهاني و اجازة سعيدة و مفيدة للجميع

العيد هل هلاله

احلى اغنية اسمعها الصبح و لا احس بالعيد بدونها هي بالنسبة لي العيد بكبره

لانه يذكرني في طفولتننا و شكثر العيد يعنيلنا و كنا انترياه
و شكثر نفتح اغراضنا و نجييك على تكرمون الجوتي
و الجنطة
و البدلة و
العطر امي الله ايحفظها كانت امعلمتنا على كل شي يديد
و ريحة الريوق انكون فاقدينه طووول الشهر و التفزيون صوته عالي
العيد هل هلاله كل الفرح يحلاله ياربنا زيد النعم
لليوم استمتع بالعيد و له معزة عندي و استمتع فيه مثل اول

عيدكم مبارك و عساكم
تعودونه بالصحة و العافية