الشعر دائما احساس

انا من النوع اللي استمتع بالقراءة و يا حبذا يكون شعر ،عادي اقضي يوم كامل و انا اتقرى بالدواوين الشعرية و يا سلام اذا كان للشاعر "خالد الفيصل"
احس صج هالانسان مميز في شعره و احساسه و تعبيره و خاصة المجاز اللغوي... جدا رائع و اشاركم في احد قصايده اللي تغنى فيها عبد المجيد عبدالله

أستكثرك
استكثرك وقتي علي وغدابك عادة زماني كل ما طاب هوّن

ليت الذي ودّاك يازين جابك تشوف عقبك كيف الايام سوّن

شرق مشيت وغرب وقتي مشى بك والقلب ماله لايم فيك لو ون

عقب الهنا بك ذاق لوعة عذابك تــلونت دنيــــاه .. ولا تـلون

طويتني طي الورق في كتابك حتى معاليق الحشا لك تطون

اشتقت لايام الهوى في جنابك يوم الشموع بليل الاحباب ضوّن

واشتقت اقول لهاتفك مرحبا بك وأشتقت لغيوم الصحاري تكوّن

عوّد ترى داعي الهوى عند بابك وارو القلوب اللي بعد ما تروّن

غنيت لك عمري ولا جا جوابك وأسمي مع مجنون ليلي تدوّن

شفتو المجاز في البيت

(( طويتني طي الورق في كتابه حتى معاليق الحشا لك تطون ))

شنو ابلغ من هالتشبيه :)

و الشطر الثاني اللي يقول فيه

((و اورو القلوب اللي بعد ما ترون))

شتان بين هالاسلوب و بين اغاني و قصائد الوقت هذي و اكثر ما ينرفزني الشعر الحر اللي بدون قافية و لا معني !!