في الاونة الاخيرة لاحظة ظاهرة ما ادري هل هي صحية ام وقائية
هل هي صحوة بعد الضياع ام هي تقليد لا ادري م اصفها !!
لما تركبون السيارة و تمشون جم عدد السيالرات اللي حاطه
اذكروا الله
ماشاء الله
السيارات اليديدة و القديمة مطبوعة او بشوارفسكي
شنو الهدف من هذي العبارة ؟؟
كنت قاعدة اتسال بيني و نبين نفسي لاني شفتها على بيت يديد بعد
هل الهدف منها ذكر الله و تذكير الناس بالذكر و تجميع الحسنات بقراءتها ام هي لاسباب اخرى
ام هي لرد العين و الحسد اللهم يا كافي !!
لانه الحسد صج صاير موضوع مو طبيعي
اذا مستانسة يا حظها
و اذا زعلانه تبجي يا حظها بردت جبدها
ما ادري ليش الحسد اللي ترس الديرة ما نبي الخير لاحد ليش
قال الرسول صلى الله عليه و سلم :(( احب لاخيك ما تحبه لنفسك ))
ليش ما نتمنى الخير للجميع و نرضى بما اعطانا الله سبحانه
بسم الله الرحمن الرحيم
(( لئن شكرتم لازيدنكم))
صدق الله العظيم
فاعتقد و من وجهة نظري المتواضعة ان الهدف من ذلك هو دفع الحسد و تذكير الناس بالذكر الله
بالنهاية احب اعرف رايكم في الموضوع ؟
و انشاء الله ينتشر الحب و التفاءل و الايثار بين قلوبنها و يجعلها كثيرة بالايمان
update
مشكورة العزيزة ريلاكس علىالملاحظة
هناك 14 تعليقًا:
حبيبتي ماعليج امر بس الايه لو تعدلينها
(( لئن شكرتم لأزيدنكم ))
وفعلاً آنا ملاحظه هالشي بعد .. شي زين ولطيف وظريف مع ان مايمنع العين حتى لما نقول حق الناس ذكرو ربكم لأن احياناً تسبق العين الذكر :) يعني لو ربي كاتب ان يضرني الشخص بعينه اللي يعلها شقول راح يضرني
فمن جذي ربي شرع لنا الاذكار اللي تكون سبب بعد الله بحفظنا ووقايتنا من العين :)) فياجماعة حافظو على اذكاركم
مساءج سُكر
تبين الصج...
مادري ماشوف فيها شي..أيٍ كان السبب اللي حاطينه فإن كان للعين اللهم لا حسد وإن كان للذكر فجزاهم الله خير...
وإن كان لأي غرض كان احس إنه شي زين إنه كاتبين ذكر ....
وعلى قولتج والله هالأيام صج لاحظت نفس اللي قلتيه..لدرجة إنه مرات افكر صج لي قالو يحسدون الفقير على موتت اليمعه!...
أتوقع هذا دليل على عدم الرضا بالنفس وانعدام الثقه والقناعه..
واعتقد إن الإنسان الحسود دائماً يشوف نفسه ناقص هذا اللي يخليه يظن إنه كل شيء بيد غيره احسن...
هذي وجهة نظري:)
ويازينج ويازين ملاحظاتج ..
ربي يحفظج ومساءج تووووت بري :*
RelaaaX
-----------
هلا و غلا سويت التعديل مشكورة و جزاج الله الف خير
----------------------
انا اتفق معاج كونها شي حلو بس ان يتم استحضار النية ان تكون لذكر الله سبحانه و الاجر ثم لرد العين :)
مادري هذذي وجهة نظري المتواضعة
الحمدالله أذكار الصباح و المساء حظناهم قبل بالشريط الحين عن ظهر قلب
الله يحفظج و مشكورة على المرور
اظن تختلف الاسباب من شخص لشخص
عن نفسي عمري مافكر احط ذكروا الله عشان الناس لا تحسدني..شكو ؟
السؤال .. ليش الناس حاطه عينها على اللي عند غيرهم ؟
ليش الكل يبي يصير غني بدون تعب او مجهود ؟
تحياتي
سلة ميوة
--------
مساج عسل و شيرة و كل شي حلو :)
---------------------------
انا مو الفكرة انها شي مو زين بس مثل ما قلت حق ريلاكس انا افضل استحضار النية لان تكون لذكر الله سبحانه و جمع الحسنات ثم رد العين بس
بس هذي الفكرة طبعا كلنا انحب ذكر الله و تذكير الناس بذكر الله
--------------------
يازينج انتي و يازين مرورج علينا
:***
reemas
-------------
هلا بدكتورنا
هذا تفكير البعض مو الكل انه ايحس انه هذي السيارة عنده شي وايد ثمين و يذكر الناس ان يذكروا الله و ما يفز قلبهم على سيارته
علشان جذي كات فكرة البوست انه تكون النية هي ذكر الله و ليس فقط رد العين
---------------------
و اما عن مطالع الناس على اللي عندهم بدون ان يفكروا شكثر اتعبوا الناس علشان يوصلون هذي شي للاسف متفشي بمجتمعنا
كلمة "شمعنه" عندهم مو عندنا اهما ادرسوا و تغربوا و بعدوا عن احبابهم و منهم من ما ايشوف اهله و يظل طول الوقت في الشغل و بنى نفسه
مستكثرين عليهم حالتهم الزينة
الله يهديهم
----------------------
و حياك و شكرا على المشاركة :)
الله حسستيني جذي انه انا في سلام عالمي والأمان من كل صوب والمحبه والموده منتشره بين الناس ههههههه
والله يا وخيتي الحسد مافي مفر منه بس اللي يذكر الله باذنه تعالى لن يصيبكم الا ماكتب الله لكم وسالفه ماشالله اذكر الله ومادري شنو
قبل جم يوم بس شايفه سياره كاديلاك اسكاليد شكل تكانه ورزه الرجال اللي داخلها غتره وعقال وجنه يقول يا ارض انهدي ماعليك قدي
طبعا شكله وطريقه سياقته فرضت هيبته بالشارع و حاط من من ورا (( تذكر بأن الله يراك ))
جيكي على القيمه اللي كاتبها وبس مريت من صوبه الله لا يوريج على بو ان الشارع فاضي ماكو غيري وغيره والدنيا بالليل نشب ابلعوومي الاا تطالعيني الا اغازلج وتعطيني وجه
بقلبي قاعده اقول هذا وانت كاتب تذكر ان الله يراك وجذي تسوي
لو كاتب ماشاءالله ولا اتقوا الله او سبحان الله شتسوي بالله
اهيا نوع من انواااع المهاايط يعني انا اللي كلش مسكت دين ويعطي احساس بالامان حق اللي يبي يتقرب له بأنه يخاف من الله
اما التفسير الثاني لهالموضه العجيبه فهي فلوس زايده وموعارف شنو يسوي بسيارته
D: تقبلي تحياتي : اماني (f)
Amani
-----------
هلا فيج عزيزتي نورتي مدونتي
---------------------------------
صج اللي شكلهم تكانه بالشارع وايد و ينقلبون فجأة حق مراهقين :)
السلام عليكم و رحمة الله و بركاته
والله ما يندرى بس اتوقع اكثرهم يحطونها عن الحسد و العين
الصراحه الناس صايرين يخوفون
مبطلين عينهم على كل شي و يحسدون الواحد ع اللي يسوى و اللي ما يسوى
الواحد ما يبي الا عمره .. والله السالفه تخرع .. و الواحد لازم يحصن نفسه و يقرا قرآن و ادعيه لان الحسد مذكور بالقرآن
و انا اشوف ان مفروض الواحد من يشوف شي يعجبه .. اي شي مهما كان بسيط، يذكر الله ...
الله يحفظ الجميع
=]
نفس الملاحظة كنت اتناقش فيها قبل مدة...!! واللي مستغربة منه أكثر ان السيارات السنعة واللي قيمته بالهبل ما يكتبون عليها ماشاء الله ، ولا يسوي هالسوالف الا اصحاب السيارات الـ...( مابي اقول اخاف احد يزعل )
HOPE
-----------
يا هلا في دكتورة المستقبل
عليكم السلام :)
انا اتفق معاج الواحد يقرى الموذات و يشغل البقرة و ياللله يسلم من عيونهم
الله يبعدنا من عيون الحساد اللهم امين
حياج الله يا الغالية :))
مي
----------
صح كلامج
اشوة في ناس لاحظت هالشي بعد :)
-------------------------
حياج الله في مدونتي نورتينا
السلام عليكم أي والله صدقتي على سإلفه الحسد مادري شصاير بالعالم حتى لو تكحين يقولون يا حظج تأخذين أجازه من الدوام والمشكله كلمن في نعمه الحمدلله ويشوفون غيرهم الله يسهل انشأله ويعطيج العافية
انتوا حسد وعيد
ونحن هنيه يارب تعافينا،، حسد وعين ومس :/
اذكر قبل من زمان كانوا يحطون لافتات في الشارع ( لا حول ولا قوة الا بالله ) و ( والله اكبر )
انا يوم اشوف سيارة حاطين عليها من هالعبارات اقول يحظهم كم ياخدون اجر في الطلعه << لاحظي الحسد لووووول ،، لأ لأ بس على شي زين يعني ممكن اني اسوي نفس الشي،،،
على فكره اشحقه الفصوص بعد؟؟
إرسال تعليق